“Tesla” və “SpeysX” şirkətlərinin rəhbəri, milyarder İlon Mask sutka ərzində 16.1 milyard dollar itirib.

Yenipress.az xəbər verir ki, bu barədə “Blumberq” məlumat yayıb.

Məlumata görə, buna “Tesla”nın üçüncü rübdə uğursuz maliyyə göstəriciləri səbəb olub. Şirkətin səhmləri rüblük hesabatın dərcindən sonra aşağı gəlir və satışlar səbəbindən 9,3% ucuzlaşıb.

Maliyyə itkisinə baxmayaraq, Maskın sərvəti 2023-cü ildə 72.6 milyard dollar artaraq 210 milyard dollara çatıb. Hazırda amerikalı iş adamı dünyanın ən varlı şəxsi hesab olunub.