Belarus Prezidenti Aleksandr Lukaşenko COVİD-19 virusunun Omikron ştammına yoluxduğunu bildirib.
Yenipress.az xəbər verir ki, bu barədə Lukaşenko Tuva respublikasının rəhbəri Vladislav Xovalıqla görüşündə deyib.
O bildirib ki, Omikronun tamamilə fərqli virus olduğu müşahidə edilir:
“Artıq şübhələnirəm ki, bəlkə biz adi qripə yoluxmuşuq? Bunu ikinci dəfə koronavirusa - bu dəfə Omikrona - yoluxan şəxs kimi deyirəm. O, pnevmaniyaya səbəb olmur. Məsələn, mən onu ayaqüstə keçirdim. Və yalnız bundan xəstəliyin sonunda, test edilərkən xəbər tutdum”.
Qeyd edək ki, Lukaşenko 2020-ci ilin iyulunda da koronavirusu simptomsuz keçirdiyini bildirmişdi.