Ermənistanda keçirilən QALLUP İnternational sorğusunda iştirak edənlərin 46%-i Fransadan hərbi-siyasi yardım gözləyir.
Yenipress.az xəbər verir ki, bunu QALLUP Beynəlxalq Assosiasiyasının Ermənistan nümayəndəliyinin rəhbəri Aram Navasardyan deyib.
Onun sözlərinə görə, 23,2% Hindistandan, 21,9% Rusiyadan, 15,9% İrandan, 13,7% ABŞ-dan, 4,9% Çindən kömək gözləyir.
Navasardyan bildirib ki, 8,5% respondet hərbi-siyasi yardım mənbəyi kimi digər ölkələrin adını çəkib, sorğu iştirakçılarının 14,5%-i isə belə bir ölkənin olmadığını bildirib. 5%-i isə cavab verməkdə çətinlik çəkib.
O qeyd edib ki, respondentlərin 55,1%-i yaxın gələcəkdə yeni müharibə təhlükəsini açıq şəkildə görür.