Kamil Zeynallı Rusiyada saxlanmalı idi. Ermənistan ekstradisiya protokolunun tələb etdiyi sənədlər paketini hazırlayıb və Rusiya hüquq-mühafizə orqanlarına təhvil verəcək.
Yenipress.az Axar.az-a istinadən xəbər verir ki, bu barədə Ermənistan Daxili İşlər Nazirliyi məlumat yayıb.
“Zeynallı azadlığa buraxılsa da, xarici ölkələrə səfəri zamanı Ermənistan onun ekstradisiyası üçün lazımi tədbirləri davam etdirəcək”, - məlumatda deyilir.
Qeyd edək ki, ötən gün K.Zeynallı Moskvadan qayıtmaq istəyərkən Domodedovo aeroportunda saxlanılıb. Səbəb isə Ermənistanın CM-in 4 maddəsi ilə cinayət işi açması və onu beynəlxalq axtarışa verməsidir. Azərbaycan dövlətinin birbaşa müdaxiləsi ilə Zeynallı ötən gün günorta saatlarında azad edilib.