Nikol Paşinyan qarışıqlıq içindədir. Dünən o, Petros Kazaryana müsahibə verdi. Müsahibənin birbaşa mövzusu Nikolanın bəhanələri oldu.

Yenipress.az xəbər verir ki, bunu Ermənistanın “7or.am” saytı yazıb.

“O, minlərlə qurbana cavab verə bilməz. Nikol "zombilərini" inandırdı ki, “arsax” çoxdan təslim edilmişdi, başqalarının satdığı bir şeyi cibinə soxmuş yazıq adamdır, “arsax”ın verilməsi xoşbəxtlik qapılarını açacaq, tezliklə Azərbaycanla sülh müqaviləsi imzalanacaq və həyat bal kimi olacaq.

Nikol azsaylı "zombilərni" bütün bunlara inandırdı, amma o, izah edə bilməz ki, niyə görə minlərlə insanı qurban verdi. Nikol isə özünə haqq qazandırmaq üçün öz cahilliyini irəli sürür. Deyir ki, əgər müdrik olsaydı, hər şeyin fərqli olduğuna əmin olardı, yəni hər şeyi qurbansız təslim edərdi, amma bu, zəmanət olmazdı. Nikol deyir ki, o, yazıq və axmaq adamdır.

​Əlbəttə, Nikol yalan danışır. Bütün bunları o, axmaq olduğu üçün etmir.

2020-ci ilin 44 günlük müharibəsindən əvvəlki dövrə gəlincə, bunun axmaqlıq və xəyanətin nəticəsi olduğunu yalnız hər şeyin üstü açılandan sonra görəcəyik. Nikol indi elə vəziyyətdədir ki, Azərbaycanın xeyrinə Ermənistana qarşı, Əliyevin özündən daha çox əliyevçiliklə məşğuldur. O, xain yox, cahil olduğunu sübut etmək üçün əlindən gələni edir. Onun cəhalətlə bağlı əsaslandırmalarını qəbul etsək belə, nəticə yenə də odur ki, o, dövlətə rəhbərlik edə bilməz. Dövləti cahilə necə etibar etmək olar?”, - yazıda qeyd olunub.