Avstraliya 684 milyon dollara dəniz raketləri və HİMARS sistemləri alır.
Yenipress.az xəbər verir ki, bu barədə “Röyters” məlumat yayıb.
Qeyd edilir ki, Avstraliya hökuməti Kongsberg ilə 2024-cü ildən etibarən Hobart esmineslərində və Anzak freqatlarında istifadə olunacaq Dəniz Hücum Raketi (NSM) üçün müqavilə imzaladığını bildirib.
Məlumata əsasən, Avstraliya HİMARS sistemlərini, o cümlədən buraxılış qurğuları, raketlər və təlim raketləri almağı planlaşdırır.
“Mövcud strateji şəraitdə Avstraliya Müdafiə Qüvvələrinin yüksək texnologiyalı, hədəflənmiş hərbi imkanlarla təchiz edilməsi vacibdir”, - Avstraliyanın müdafiə naziri Riçard Marles bildirib.