Dünya yeni müharibə astanasındadır. Ermənistanla Azərbaycan arasında vəziyyət daha da qızışır: Bakı Ermənistan qoşunlarının sərhəddə cəmləşdiyini iddia edir, İrəvan bu xəbərləri saxta adlandırır.

Yenipress.az xəbər verir ki, bunu rusiyalı politoloq Aleksey Naumov deyib.

“Başlıca diqqətçəkən məqam Azərbaycanın əsas hissəsini Naxçıvan anklavı ilə birləşdirən Zəngəzur dəhlizidir. İkinci Qarabağ müharibəsindən sonra Putin, Əliyev və Paşinyan tərəfindən imzalanmış üçtərəfli sazişin şərtlərinə görə, Ermənistan bu hissəni Rusiya sərhədçilərinin nəzarətinə verməli idi ki, onlar azərbaycanlıların Ermənistan ərazisindən maneəsiz tranzitini təmin etsinlər. Azərbaycan hakimiyyəti İrəvanın sürətlə Qərbə doğru irəliləməsi ilə bağlı hazırkı vəziyyəti təhlükəli hal və hərbi əməliyyata başlamaq üçün səbəb kimi şərh edə bilər. Azərbaycana məxsus olan Qarabağdan fərqli olaraq, Zəngəzur üçtərəfli sazişlə bağlı vəziyyətin bütün xüsusiyyətlərinə görə Ermənistanın tanınmış ərazisidir və belə bir addımın nəticələri daha geniş və gözlənilməz olacaqdır. Rusiya sərhədləri yaxınlığında sülhə, təxribatlara uymamağa və 2020-ci ildə imzalanmış sazişin icrasına ümid edirik”, - o bildirib.