İranın xarici işlər naziri Hüseyn Əmir Abdullahian BMT Təhlükəsizlik Şurasının Fələstinlə bağlı iclasında iştirak etmək üçün Nyu Yorka gedib.

Yenipress.az xəbər verir ki, bu barədə İran İslam Respublikasının Xarici İşlər Nazirliyi məlumat yayıb.

Məlumata əsasən, Abdullahian dünya təşkilatının baş katibi Antonio Quterreşlə görüşməyi, həmçinin İslam Əməkdaşlıq Təşkilatına üzv ölkələrin BMT-dəki daimi nümayəndələri ilə danışıqlar aparmağı planlaşdırır. Onun bir sıra ikitərəfli görüş və mətbuat konfransı da planlaşdırıldığı bildirilib.