Hazırda Sünikdə (Zəngəzur – red.) vəziyyət sabitdir, heç bir gərginlik və toplanış yoxdur.
Yenipress.az Globalinfo.az-a istinadən xəbər verir ki, bunu Ermənistan Silahlı Qüvvələrinin Baş Qərargah rəisi general-leytenant Edvard Asryan Zəngəzur istiqamətində hərbi aktivlik müşahidə olunması haqda İrəvanda yayılan xəbərlərə münasibət bildirərkən deyib.
O, sərhədə ordu toplanması və müharibə hazırlığı ilə bağlı iddiaların doğru olmadığını bildirib:
“Təmas xəttində həm bizim, həm də Azərbaycan ordusunun mövqeləri var. Qarşı tərəfin təxminən 20 mövqeyi varsa, deməli, bizim də o qədər mövqemiz var. Lakin dəqiq rəqəmi açıqlamayacağam. Əgər ordumuzun sərhəddəki fəaliyyətinə şübhə edən varsa, özü gəlib baxa bilər”, – Asryan qeyd edib.