Münhen təhlükəsizlik konfransının ikinci günü müxalifətin üç tanınmış siması - Şahzadə Rza Pəhləvi, Məsih Əlinejad və Nazənin Bünyadinin iştirakıyla “Qadın, Həyat, Azadlıq : İrana baxış” adlı iclas keçirilib.
Yenipress.az xəbər verir ki, Karnegi Sülh Fondunun baş elmi işçisi Kərim Səccadpurun idarə etdiyi bu görüşdə İranda baş verən son hadisələr, o cümlədən etirazçıların tələbləri haqqında danışılıb.
Rza Pəhləvi çıxışı zamanı İran xalqının həmrəyliyinə diqqət çəkib:
"Xalq beynəlxalq ictimaiyyətdən ideallarının dəstəklənməsini gözləyirlər. Fərqli bir İran Qərb ölkələrində tətbiq olunan eyni azadlıq prinsiplərinə inanır və dərhal dünyada belə müttəfiqlər tapacaq”.