HƏMAS qruplaşmanın “Kölgə adam” kimi tanınan komandiri Mərvan İsanın hava hücumunda öldürməsi ilə bağlı iddialara şübhə ilə yanaşır.
Yenipress.az xəbər verir ki, bu barədə HƏMAS-ın Siyasi Bürosunun üzvü İzzət ər-Rişq öz Teleqram kanalında yazıb.
“Biz İsrail ordusunun qardaş və cihad lideri Mərvan İsanın ölümü ilə bağlı iddialarına etibar etmirik. Netanyahu üzləşdiyi böhranları və İsrailin məqsədlərinə çata bilməməsini ört-basdır etmək üçün bu xəbəri yayır. İzzəddin əl-Qəssam Briqadası məsələ ilə bağlı son sözü deyir”, - o bildirib.