Avstraliyanın Sidney şəhərindən Yeni Zelandiyanın Oklend şəhərinə gedən təyyarədə uçuş zamanı güclü sarsıntı olub.
Yenipress.az xəbər verir ki, bu barədə “Röyters” xəbər agentliyi məlumat yayıb.
Məlumata əsasən, “LATAM” Hava Yollarına məxsus Boeinq 787 təyyarəsinin qəfil güclü silkələnməsi nəticəsində azı 50 sərnişin xəsarət alıb. 10 sərnişin və 3 ekipaj üzvü xəstəxanaya yerləşdirilib.
Hazırda yaralılardan birinin vəziyyəti ağır, qalan sərnişinlərin vəziyyəti isə orta-yüngül qiymətləndirilir.
Qeyd edək ki, hadisənin səbəbi hələ müəyyən edilməyib.