Bu gün husilər beynəlxalq ticarət gəmilərinə qarşı ehtiyatsız hücumlarını davam etdirərək, günahsız mülki insanları qətlə yetirib.

Yenipress.az xəbər verir ki, bu sözləri Ağ Evin sözçüsü Karin Jan-Pyer deyib.

“Bu hücum təkcə qlobal ticarəti pozmadı, həm də beynəlxalq dənizçilərin həyatı bahasına başa gəldi. Bunun dünya üçün nəticələri var”, - o bildirib.

Qeyd edək ki, ötən gün husilər Barbados bayrağı altında üzən "True Confidence" yük gəmisinə hücum edib. Bu hücumda 3 dənizçi həlak olub, gəminin ekipajından daha 4 nəfər isə yaralanıb.