Milli Rifah Fondunun büdcəsində xarici sahibkarlardan təyyarələrin alınmasına ayrılan 300 milyard rubldan 3,5 milyard rubl qalıb.

Yenipress.az xəbər verir ki, bu barədə “Kommersant” məlumat yayıb.

“Bu günə qədər təxminən 150 təyyarə alınıb, onlardan 86-sı “Aeroflot” qrupuna, qalanları Ural Hava Yollarına, S7 aviaşirkətinə və “iFly” çarter şirkətinə aiddir”, - məlumatda deyilir.

Qeyd olunur ki, bu vəsait ölkəyə tətbiq edilən sanksiyalara görə ötən ilin fevral ayından təyyarələri Rusiya ərazisində qalan əcnəbi icarədarlarla münasibətlərin sığortalanması üçün lazım olub:

“Milli Rifah Fondundan 15 il müddətinə 1,5% dərəcəsi ilə güzəştli kredit kimi pul ayrılıb. Fonddan qalan bütün vəsait, hətta 300 milyard rubl limiti qaldırılsa belə, “Aeroflot” təyyarələrinin yerləşdirilməsi üçün istifadə ediləcək. Lakin hazırda Milli Rifah Fondundan əlavə vəsaitin ayrılması məsələsi müzakirə olunmur”.