Azərbaycan ABŞ-a qarşı bu qədər açıq tənqidi və tamamilə haqlı davranan ilk dövlətlərdən biri olub.

Yenipress.az xəbər verir ki, bunu rusiyalı ekspert Vitali Arkov deyib.

“Bakı öz suverenliyini nümayiş etdirir və müdafiə edir. Və özünə hörmətlə yanaşmağı tələb edir. Burada heç bir təkəbbür və ya təxribat yoxdur. Çünki Azərbaycana qarşı nalayiq davranışlara, mentorluq tonuna yol verən ABŞ olub. Bakı da göstərdiyi kimi ona cavab verməyə qadirdir. Bu, hamının itdiyi Ermənistan deyil.  Son illər Azərbaycan təkcə regional deyil, həm də daha geniş səviyyədə özünü təmin edən çox güclü dövlətə çevrilib. Ona görə də onun hazırkı mövqeyi belədir: zəhmət olmasa hörmət edin. Azərbaycan hakimiyyəti mütəmadi olaraq xatırladır: ölkə bu gün heç kimdən kömək istəmir, özü başqalarına kömək edir, hətta təkcə regional deyil, qlobal miqyasda gündəmi formalaşdırır”, - o bildirib.

Arkov qeyd edir ki, enerji siyasətinin şaxələndirilməsi zərurəti yarandığı üçün Avropada Azərbaycana tələbat xeyli artıb:

“Əgər 10 il əvvəl Avropa liderləri Bakı ilə yaxınlaşmaq istəyinə görə Budapeşti ələ salırdılarsa, indi həmin Avropa ölkələri Azərbaycanla qarşılıqlı əlaqələri gücləndirmək üçün sıraya düzülürlər. Bu, yeni reallıqdır. Dünya dəyişir, onu quranlardan biri də Azərbaycandır”.