ABŞ Prezidenti Co Bayden Böyük Britaniya ilə ticarət sazişi hazırlanması planlarını təxirə salıb.
Yenipress.az xəbər verir ki, bununla bağlı “Politiko” qəzeti öz mənbələrinə istinadən məlumat yayıb.
Məlumatda səbəb kimi ABŞ Senatının razılaşmanın əleyhinə olması göstərilib. Mənbələr anlaşmanın çoxsaylı fikir ayrılıqları səbəbindən baş tuta bilməyəcəyini istisna etməyib. Nəşrin məlumatına görə, saziş layihəsi ABŞ Ticarət Nümayəndəliyi tərəfindən hazırlanıb və 11 maddədən ibarətdir.