Birləşmiş Millətlər Təşkilatının insan haqları üzrə ali komissarı Volker Türk Əfqanıstan və İranda qadınların hüquqlarının sistemli şəkildə pozulmasından narahatdır.
Yenipress.az xəbər verir ki, o, məsələni hökumət rəsmiləri ilə müzakirə etmək üçün İrana səfər etmək niyyətindədir. Ancaq onun bu istəyinə Tehran rəsmiləri cavab verməyib.
Volker Türk vurğulayıb ki, bu səfər reallaşarsa, o, Tehran hakimiyyətini qadınlara və qızlara qarşı ayrı-seçkiliyi dayandırmağa çağıracaq. Eyni zamanda etirazların vəhşicəsinə yatırılması məsələsini müzakirə edəcək.