Rusiya Prezidenti Vladimir Putinin Uralda bunkerdə olmasına dair sübutlar var.
Yenipress.az xəbər verir ki, bu iddia ilə Ukrayna daxili işlər nazirinin müşaviri Vadim Denisenko çıxış edib.
“Ardıcıl 5-ci gündür ki, Putin Uraldakı bunkerindədir. Onun bunkerdə olması 100 faizdir. Müəyyən məlumatlara görə, o, hazırda Uraldadır. Bunu bizim nə qədər rusiyalı həmkarlarımızın - analitiklərin, jurnalistlərin və s.-nin və aidiyyəti idarələrin müəyyən məlumatlarının bu barədə danışması da təsdiqləyir”, - Denisenko qeyd edib.
Onun sözlərinə görə, Putin ətrafının və elitasının reaksiyasından qorxduğu üçün gizlənir:
“O, ölümcül koronavirus virusuna yoluxmaqdan qorxduğu üçün son 2 ilini bunkerdə keçirib. İndi onun yeni bir paranoyası var. İndi o, Ukrayna müharibəsi ilə macəranın nəticə vermədiyini başa düşərək, həyatda paranoyak olaraq gizlənməyə və tamamilə hər şeydən qorxmağa başlayır”.