ABŞ gəmiləri Hörmüz boğazında İranın ələ keçirməsindən qorumaq üçün Fars körfəzi regionuna F-16 qırıcıları göndərir.

Yenipress.az xəbər verir ki, bu barədə CNN məlumat yayıb.

“Bu addım İranın boğazda iki neft tankerini qaçırmağa cəhd etməsindən bir həftə sonra atılıb. İran gəmisi tankerlərdən birinə atəş açıb və yalnız idarə olunan raketləri daşıyan Amerika esminesi hadisə yerinə gəldikdən sonra Tehran geri çəkilib. Bununla da İran donanması beynəlxalq sulardan qanuni şəkildə keçən ticarət tankerlərini ələ keçirməyə cəhd edib”, - məlumatda deyilir.

Qeyd olunur ki, bölgəyə gələn F-16-lar həyati əhəmiyyət daşıyan su yolları ilə hərəkət edən gəmilər üçün hava müdafiəsini təmin edəcək.