Jurnalistləri Müdafiə Komitəsi tənqidçi jurnalist Nazila Mərufiyanın İran təhlükəsizlik qüvvələri tərəfindən həbsini pisləyən bəyanat yayaraq, onun qeyd-şərtsiz azadlığa buraxılmasını tələb edib.
Yenipress.az xəbər verir ki, bu barədə beynəlxalq qurumun sosial media hesabında paylaşım edilib.
İyulun 8-i İranın təhlükəsizlik qüvvələri tərəfindən saxlanılan Mərufiyan "hökumətə qarşı təbliğat və yalan məlumatlar yaymaq" ittihamı ilə iki illik həbs cəzasının icrası üçün həbsxanaya aparılıb. Həmçinin, onun 5 il müddətinə ölkən çıxışına qadağa qoyulub.
Qeyd edək ki, 2022-ci ilin oktyabr ayının əvvəlində əxlaq polisi tərəfindən öldürülən Məhsa Əmininin atası ilə müsahibə etdiyi üçün saxlanılan Mərufiyan 72 gün həbsdə saxlanılıb, ardınca girov qarşılığında müvəqqəti - həbs cəzasının icrasına qədər sərbəst buraxılmışdı.
Ümumxalq etirazları zamanı Mərufiyanla yanaşı azı 95 jurnalist həbs edilib.