Azərbaycan vətəndaşları Ermənistanda ən azı 6 daşınmaz əmlaka sahibdir.

Yenipress.az xəbər verir ki, bu barədə “Sputnik Ermənistan”ın sorğusuna cavab olaraq Ermənistan Kadastr Komitəsindən bildirilib.

“2010-2021-ci illər ərzində Ermənistanda Türkiyə vətəndaşı olan 71, Azərbaycan vətəndaşı olan 6 şəxsin daşınmaz əmlak aldığı barədə qeyd var”, - məlumatda bildirilib.

Komitədən bildirilib ki, Azərbaycan vətəndaşları 2012, 2018 cə 2019-cu illərdə Ermənistanda 4 ev və bir obyekt alıb. Bir ev isə hədiyyə edilib.

“Söhbət Azərbaycan vətəndaşından gedir, ancaq onun milliyyəti müəyyən edilməyib. Belə ki, mənzil və obyekt alanların milləyyətcə azərbaycanlı olub-olmadığı bəlli deyil”, - redaksiyanın məlumatında qeyd edilib.

Türkiyə vətəndaşları isə Ermənistanda 53 ev alıb, 1 ev hədiyyə edilib, 1 ev dəyişdirilib. Həmçinin 5 şəxsi həyət evi, 1 qaraj, 7 obyekt, 3 torpaq sahəsi alınıb.

Qeyd edilib ki, Türkiyə və Azərbaycandan Ermənistanda ev alan vətəndaşlar arasında hüquqi şəxs yoxdur.

İqtisadiyyat naziri Vaan Kerobyan isə deyib ki, Türkiyə vətəndaşlarının Ermənistanda həmişə evi olub.