Çexiya Rusiyanın “Mi” seriyalı helikopterlərini Amerikanın “CH-47 Chinook” helikopterləri ilə əvəz etmək istəyir.
Yenipress.az xəbər verir ki, bu barədə “Avropa həqiqəti” məlumat yayıb.
Qeyd edilir ki, onların qiyməti 60-90 milyon dollar, yəni 1,5-2 milyard çex kronu arasında dəyişir. Beləliklə, nəqliyyat helikopterlərinin alınması 13-20 milyard krona başa gələcək.
Bildirilir ki, Amerika istehsalçısı “Boinq” 60 il ərzində dünyanın 19 ordusunda xidmət edən bu maşınlardan 1200-dən çox istehsal edib. Şirkət davamlı olaraq dünyanın ən sürətli maşınlarını təkmilləşdirir.