Zeytun hələ qədim zamanlardan misirlilər tərəfindən becərilmiş və meyvələrindən və onun yağından bir sıra xəstəliklərə qarşı istifadə edilmişdir.
Yenipress.az zeytunun 7 müxtəlif xeyirli xüsusiyyətini təqdim edir:
Həzmi asanlaşdırır
Zeytunda olan E vitamini və yağ bağırsaqların daha yaxşı fəaliyyətinə kömək edir. Davamlı olaraq zeytun yeyənlərin bağırsaq xərçənginə tutulma riski də olduqca aşağıdır. Zeytunun tərkibindəki liflər yediyimiz qidaların asanlıqla həzm olunmasını kömək edir. Beləliklə, bağırsaq problemlərinin qarşısını alır.
Saç, üz və dırnaqları bəsləyir
Şampunların tərkibinə daxil edilməsinin səbəbi saçların ehtiyacı olduğu nəmi təmin etməsidir. Sabun və cild kremlərində isə kologen istehsalını artırdığı və hüceyrə yenilənməsini təmin etdiyi üçün istifadə olunur. Zeytun ölü hüceyrələrin çıxarılmasını və bərpasını dəstəkləyən təbii qidadır. E vitaminin olması isə daha gənc və sağlıqlı görünüş üçün yaxşı vasitədir.
Antioksidan mənbəyidir
Tərkibində antioksidanın olması bir çox xərçəng növünə tutulmaq riskini azaldır. Vücudumuzu zərərli hüceyrələrdən təmizləyir. Həmçinin, zədələnmiş hüceyrələri bərpa etməyə kömək edir.
Pəhriz zamanı mədəni tox saxlayır
Pəhriz prosesində səhər yeməyi çox əhəmiyyətlidir. Səhər yeməyimizdə bədənimizin ehtiyacı olan yağı zeytundan ala bilərik. Mədəni uzun müddət tox saxlamaqla yanaşı, maddələr mübadiləsini də sürətləndirir. Qəlyanaltıda orta hesabla 5 zeytun yemək aclıq hissini yatırır.
Ürəyə xeyirlidir
Zeytunun tərkibində doymamış yağ olduğu üçün təzyiqi tarazlaşdırır və ürək ritmini tənzimləyir. Ürək sağlamlığını qoruma prosesində zeytunun tərkibindəki oleik turşusundan faydalanır.
Bədənin inkişafına dəstək olur
A, D, E və K vitaminləri ilə zəngin olan zeytun uşaqların böyümə çağında bədən inkişafını dəstəkləyir və daha güclü əzələ və sümük quruluşunun formalaşmasına kömək edir. Tərkibində çoxlu omeqa turşusunun olması bədənlə yanaşı, zehnin də inkişafını dəstəkləyir. Həm də, omeqa yağ turşuları daha canlı sinir sistemi hüceyrələri yaradır.
Qan artırır
Qan azlığı problemləri zamanı tövsiyə edilən qidalardan biridir. Qandakı dəmir nisbətini artıraraq anemiyanı aradan qaldırır. Yüksək səviyyəli xolesterol səviyyəsini də ən ideal rəqəmə endirir.