"Şamaxı" futbol komandasının yeni baş məşqçisi bəlli olub.

Yenipress.az xəbər verir ki, bölgə klubu hazırda Region Liqası təmsilçisi "Cəbrayıl"a rəhbərlik edən Cavid Hüseynova tapşırılıb.

34 yaşlı mütəxəssislə 2 illik müqavilə imzalanacaq. Hüseynov bu vəzifədə Rüstəm Əliyevi əvəzləyəcək. Onun təyinatı UEFA Region Kubokunda 2022/2023 mövsümünün ilkin mərhələ oyunlarından sonra gerçəkləşəcək.

"Cəbrayıl" ötən mövsüm Cavid Hüseynovun başçılığı altında Region Liqasının qalibi olub. Komanda UEFA Region Kubokunun ilkin mərəhələsinin 2-ci qrupunda Belarus təmsilçisi “Kolos” komandası ilə Şamaxıda qarşılaşacaq.

Qeyd edək ki, mərhum jurnalist Rasim Əliyevin öldürülməsində o vaxtlar “Qəbələ”nin futbolçusu olan C.Hüseynovun əli olduğu və Rasimin onun göstərişi ilə döyüldüyü bildirilirdi.

Xatırladaq ki, jurnalist Rasim Əliyev 2015-ci ilin avqust ayında Bayıl qəsəbəsində yerləşən "Bayıl market" mağazasının qarşısında bir qrup şəxs tərəfindən döyülüb və o, bir gün sonra aldığı çoxsaylı bədən xəsarətlərindən vəfat edib.