13:35
Naxçıvan MR Babək rayon Nehrəm qəsəbəsi 3 saylı tam orta məktəbədə aparılan inşaat əsnasında tikilməkdə olan məktəb binası çöküb.
Yenipress.az xəbər verir ki, bu barədə Qazet.az-a hadisə şahidləri məlumat verib.
20-dən artıq insanın öldüyü və çoxlu sayda yaralıların olduğu bildirilir.
***
Naxçıvan MR Fövqəladə Hallar Nazirliyindən Axar.az-a bildirilib ki, Naxçıvanın Nehrəm qəsəbəsində 3 saylı məktəbin təmir zamanı çökməsi və ölənlərlə bağlı yayılan məlumat araşdırılır.
***
Naxçıvan Daxili İşlər Nazirliyindən hadisənin baş verdiyi təsdiqlənib. Bildirilib ki, nəticədə ölənlər yox, yaralananlar var.
***
Aldığmız son məlumatlara görə, dağıntılar altında 10 nəfər qalıb. Onlardan 4-nün meyiti çıxarılıb.
***
Naxçıvan Muxtar Respublikasının Bakı şəhərindəki Daimi Nümayəndəliyindən Babək rayonunun Nehrəm qəsəbəsində məktəb binasının çökməsi ilə əlaqədar məlumat yayıb.
Məlumatda deyilir:
"Naxçıvan Muxtar Respublikası Babək rayonunun Nehrəm qəsəbəsindəki 3 nömrəli tam orta məktəbdə 2022-ci il martın 1-dən etibarən yenidənqurma işləri həyata keçirilir. 2022 - ci il 31 mart tarxində Nehrəm qəsəbəsindəki 3 nömrəli tam orta məktəbdə tikinti işləri aparılarkən binanın bir divarınınçökməsi nəticəsində 3 tikinti işçisi həlak olmuş, bir nəfər isə xəsarət almışdır.
Aidiyyəti qurumlar tərəfindən hadisənin səbəbləri barədə araşdırma aparılır”.