Azərbaycanın Qarabağ bölgəsinin bir hissəsinə müvəqqəti olaraq yerləşdirilən Rusiya sülhməramlı kontingenti bu gün Ağdərə istiqamətində “atəşkəsin pozulması faktının” qeydə alındığını bildirib.
Yenipress.az xəbər verir ki, bu barədə Rusiya MN-in günlük bülletenində bildirilib.
Qeyd edilib ki, zərərçəkən yoxdur. Rus sülhməramlılar Azərbaycan və “erməni tərəfi” ilə (erməni tərəfi dedikdə, Rusiya sülhməramlıların kimi nəzərdə tutduğu təxmin edilir – red.) birgə araşdırma aparır.
Qeyd edək ki, Rusiya sülhməramlılarının məsuliyyət zonasında hər hansı atəşkəs pozuntusu ilə bağlı Azərbaycan MN məlumat yaymayıb.