Şəkidə qəribə hadisə baş verib.
Yenipress.az xəbər verir ki, 1982-ci il təvəllüdlü Müşfiqə İbrahimxəlilova sosial yardım almaq üçün müraciət edərkən, ona “çoxdan öldüyünü” bildiriblər.
Araşdırmalar zamanı məlum olub ki, doğulduğu Şirinbulaq kəndində bələdiyyə tərəfindən 5 yaşında olarkən ölmüş kimi qeydiyyata salınıb. Belə ki, əslində onun bacısı dünyasını dəyişib, sənədləşmədə isə onun öldüyü, ölən bacısının isə sağ olduğu rəsmiləşib.
Amma bu illər ərzində o dəfələrlə şəxsiyyət vəsiqəsini dəyişib, ailə qurub, nikah şəhadətnaməsi alıb, ona isə heç kim “öldüyünü” deməyib.
Hazırda M.İbrahimxəlilova məhkəməyə müraciət edib və sağ olduğunu “sübut etməyə” çalışır.