"Müdafiə Xətti" hüquq-müdafiə təşkilatının icraçı direktoru, hüquq müdafiəçisi Rüfət Səfərova hücum edilib.
Yenipress.az xəbər verir ki, bu barədə o özü sosial şəbəkədə məlumat verib.
O iddia edib ki, avtomobilə əyləşdiyi zaman naməlum şəxs hücum edib və ona kəllə ilə zərbə endirib.
Bildirilir ki, R.Səfərov Binəqədi RPİ-nin 5-ci bölməsinə müraciət edib. Bakı ŞBPİ-nin əməliyyatçıları da 5-ci Polis Bölməsinə araşdırma üçün gəlirlər.
DİN-dən hadisənin araşdırılacağı qeyd edilib.